Bjødnabu ligg omlag 450 m.o.h. og er eit flott og populært turområde både sommar og vinter.
Lysløypeanlegget, som er opparbeida av Hjelmeland Idrettslag og Hjelmeland kommune, er om vinteren treningsanlegg for skigruppa i idrettslaget. I tillegg er det eit populært skianlegg for barnefamiliar og alle som liker å ta seg ein skitur.
Hjelmeland Røde Kors bidreg med å kjøyre opp skiløyper mellom anna frå Bjødnabu og innover heia til Kaldavatn, Såteheia og Brendeknuten. Dette er eit flott skiterreng som gir deg ein flott skitur med både motbakkar og fine nedkjøringar.
Finn fram
Frå Hjelmeland følgjer du skilting inn mot Vormedalen. Like før tunnelen svingar du av til høgre der det er skilta til Bjødnabu. Følg Husstølvegen fram til P-plass ved Bjødnabu skianlegg.
Sjå kart over lysløypa på Bjødnabu
Sjå kart over skiløypa frå Bjødnabu til Kaldavatn, Såteheia og Brendeknuten
